شرح واجهه برنامج أندرويد استوديو

من اين ابدأ

سؤال دايما بيدور فى ذهن اى شخص بيحاول يبدأ فى مجال البرمجة وبيكون محتار يختار مجال معين.،، ولو حدد مجال وليكن ويب ايه افضل دوره يبدء بيها وايه الطريق الصح الى يتبعة علشان ميوصلش لدائره مغلقة فى النهاية او يكتشف انة اختار الطريق الخطأ ولذلك تم تحويل مجموعة من ما يدور فى ذهن المقبلين على هذا المجال الى اسالة واجوبة نرجو ان نكون وفقنا فى ذلك .،، نبدأ على بركه الله

*(س . ج)*

(س.1) انا لسه معرفش حاجه عن البرمجه وعايز اتعلم ابدء بايه.؟
(ج.1) الاجابه عندك بنسبه 80% لان انت الى بتحدد المجال الى ناوى تكمل فيه
من ضمن المجالات دى - الويب - ديسك توب ابلكيشن - اندوريد - الخ
(س.2) خلاص انا حددت مجالى وناوى اتعلم برمجه تطبيقات الموبايل.؟
(ج.2) لسه السؤال ناقص انت ناوى تتعلم تطبيقات الموبايل للاندوريد ولا للايفون ولا الاتنين مع بعض.!
عموما لو ناوى على الاندوريد فانت محتاج اللغة الى هتتعلمها علشان تنفذ مشروعك بيها

من ضمن اللغات دى 

1- Java
وبنستخدم برنامج
 Android Studio
or
 Eclipse

2- C#
وبنستخدم برنامج
Xamarin

3- C++
وبنستخدم برنامج
Android NDK

4- Java Script
وبنستخدم برنامج
Titanium
or
Mobile Accelerator
or
Phone Gap

5- Python
وبنستخدم برنامج
Kivy

6- Ruby
وبنستخدم برنامج
RhoMobile

ولو ناوى على برمجه تطبيقات الايفون والايباد هتحتاج تتعلم 

1- Swift
وبنستخدم برنامج
X-Code

2- Objective
وبنستخدم برنامج
X-Code

(س.3) طيب تمام كده انا حددت خلاص انا عايز اتعلم ايه وناوى اتعلم جافا وهكمل فى مجال الاندوريد.. بس ايه افضل دوره هتابعها وهكمل بعدها فى الاندوريد وهبقى محترف.؟

(ج.3)

 1- تمام انت كده وضعت قدمك على اول الطريق وبالتوفيق مقدما

2-  افضل دوره بالنسبالى مش تحت شرط تكون افضل دوره بالنسبالك والعكس صحيح وكل واحد وليه اسلوبه فى الشرح

لكن علشان تبدء فانت محتاج الاساسيات الى هتساعدك تكمل بعد كده وواحده واحده تتعمق فى مجال واللغه المحببه ليك

3-  الاحتراف استحاله هيجى من دوره واحده ولا فى يوم وليله لكن مع الاصرار وتنوع المصادر الى هتتعلم منها هتبدء طريق الاحتراف

س. يعنى ايه برضه مش فاهم وكمان انت كده هتصعبها علية.؟

طيب خليك معايا وهبسطلك الحسبه

فى بدايه تعليم الطلاب فى المدارس بيدوهم الحروف كلها مره واحده والكلمات ولا بيبدء بحرفين تلاته وشكل كل حرف ومكان الحرف فى الكلام الخ.! 
لحد ما بيفهم المعلومه وتثبت فى الذاكره

ده نفس النظام الى هنتبعه انت محتاج الاساسيات ودى بتتوفر فى دوره الاستاذ عبدالله عيد 

سلسله الدوره من جافا 101 وجافا 102 وجافا 103 وجافا 104

لــــيـــــنـــك

خد وقتك فيهم ومتستعجلش وبعد ما تخلصهم ممكن تتابع اى دوره من الدورات دى

قناة 

TheNewBaghdad

   للإستاذ : حسين الربيعى

لينك القناة

قناة

Muhammed Essa

   للإستاذ : محمد عيسى 

اساسيات

لينك القناة

متقدم

لينك القناة

قناة

Ahmed Hassouna

للإستاذ : احمد حسونه

لينك القناة

طبعا الاختيار متروك ليك وانت الى هتحدد انت بترتاح لمين فى الشرح لكن نصيحه دوره عبدالله عيد للاساسيات هتفيدك جدا للجافا او اى لغه تانى وبرضه مش لازم تشوفهم كلهم انت ممكن بعد الاساسيات بتختار اى دوره من الدورات السابقة تزود معلوماتك وتتقدم اكتر 

طيب تمام بس عندى مشكله فى عدم الفهم بنسى المعلومه بعد ما بسمعها ومفيش حاجه بتثبت من الى بتعلمه ودى عملالى مشاكل  😕